ശില്‍പി

നിന്നോടോരോതവണയും

പറയാന്‍ ബാക്കിവച്ച വാക്കുകള്‍

എന്‍റെ കൊട്ടാരത്തിലെ

കരിങ്കല്‍ തൂണുകളായി മാറും.

പങ്കിടാന്‍ മറന്ന നിശ്ശബ്ദത

അറ്റമെത്താത്ത മേല്‍ക്കൂരകളായും;

അയക്കാന്‍ മടിച്ച നോട്ടങ്ങള്‍

നിറഞ്ഞു കവിയുന്ന വെള്ളിച്ചില്ലുകളായും;

കയറാതിരുന്ന സ്വപ്നങ്ങള്‍

തിളങ്ങുന്ന മടക്ക് ഗോവണികളായും;

എഴുതാതെപോയ കവിതകള്‍

സ്ഫടികച്ചുമരുകളായും മാറും.

അന്ന് നിന്നെ ഞാന്‍

എന്‍റെ കൊട്ടാരത്തിലേക്ക് ക്ഷണിക്കും.

18/5/06